Эш барышы
Башлы кәбестәне чистартып салкын суда югач, дүрткә бүләләр дә күчәнен алалар һәм вак кына итеп токмачлап турыйлар. Аннары савытка салып, өстенә тоз сибәләр, лимон кислотасы өстиләр һәм, суын күп чыгармаслык итеп, азрак уыштыралар. Шикәр комы белән үсемлек мае салып болгаткач, 10-15 минут салкында тоталар. Салатка токмачлап туралган кишер, алма яисә кайнар суда юылган йөзем кушарга мөмкин. Барысын яхшылап болгаткач, салатны тәлинкәгә өеп салалар да табынга чыгаралар.
