Тулма (голубцы)

Социаль челтәрләрдә бүлешү:

яисә сылтама белән булешә аласыз

Тулма (голубцы)

  • Уртача

Эш барышы

Яфраклары бер-берсеннән җиңел аерыла торган, артык тыгыз булмаган башлы кәбестә алалар. Зур яфракларның уртадагы каты җирен тигезләп кисәләр. Яфракларны кайнап торган тозлы суда 5-10 минут кайнатып алалар һәм иләктә саркыталар.

Симез сарык яисә сыер итен, суга кушып, иттарткычтан чыгаралар, аннары тоз, борыч сибеп болгаталар. Иткә бүрттерелгән дөге кушалар (теләгән кеше тары ярмасы куша ала) һәм болгаталар. Фаршка майда кыздырылган суган өстәргә мөмкин.

Суынган кәбестә яфраклары өстенә (калын җирләрен уклау белән тигезлиләр) дөгеле ит салалар һәм озынча итеп төрәләр. Тулманы туглаган чи йомыркага манчып алалар яисә чи йомырканы ике ягына да сөртәләр. Аннары кайнар майлы табада бераз кыздырып алалар, сай кәстрүлгә яки зур табага тезеп, өстенә махсус әзерләнгән соус сибәләр, дәфнә яфрагы салалар һәм 30-40 минут томалап пешерәләр.

Соус болай әзерләнә: майны эретәләр дә, туралган кишер, суган, помидор яисә томат пастасы салып, ут өстенә куялар, бераздан су, тоз, каймак, борыч өстиләр һәм 10-15 минут пешерәләр.

Һәр кешегә 2-шәр тулма салып, соус сибеп бирәләр.

M.G

алдагы язмалар
Ит белән бәрәңге
киләсе язмалар
Кыздырган куян