Эш барышы
Судак филесын 2 см калынлыкта озынча итеп турыйлар да, кәстрүлгә салып, тоз, борыч, лимон кислотасы сибеп, яхшылап болгаталар һәм 10-15 минутка салкынга куялар. Һәр кисәкне, онда әвәләп, үсемлек маенда кыздыралар, соңыннан 3-5 минутка духовкага куеп алалар һәм суыталар. Тәлинкәгә тезеп, өстенә майонез салалар һәм вак кына туралган укроп сибәләр. Итләч диңгез балыкларын да нәкъ шулай әзерләргә мөмкин.